> афіша Indiga <
фэн сайт Русі і Indiga
07 06 2008
канцэрт у NightStar
Феміністкі «арэндуюць» музычны Менск на адну ноч: надзяваць выключна спаднічкі і сукенкі!
Музычная частка Дзён культуры Швэцыі прапануе канцэрт «Сучасная музыка ад сучасных жанчын» швэдзкіх жаночых гуртоў Lowood, Tikkli Me, DJ Furious Fiesta, Русі і гурта Indiga.
Па словах арганізатараў імпрэзы, канцэрт складзецца з чатырох актаў. Распачне яго гурт Lowood сваёй досыць спакойнай, мэлядычнай музыкай. Затым гурт Tikklе Me (сынт-поп) паскорыць тэмп вечарыны. Пазьней да швэдзкіх дзяўчат далучыцца Руся зь ейнай Indiga, а пасьля жывой музыкі, зьявіцца DJ Furious Fiesta.
Lowood – гэта адначасова гук сілы і кволасьці; гэта рашучасьць, што паўстае зь дзіцячай бездапаможнасьці. Удзельніцы гурта Тэрэс Юхансан і Кікі Хальмус граюць разам з 2005 году. Вынікам шэрагу запісаў і супрацоўніцтва (напрыклад, цудоўны дуэт са швэдзкім выканаўцам Крыстафэрам Острaмам) стаўся іх дэбютны дыск, які выйшаў вясной 2008 году – сумная і прыгожая музыка.
Электра-поп дуэт Tikkle Me паходзіць з прамысловага швэдзкага гораду Эскільстуна, які найперш вядомы сваімі белымі тыграмі ў заапарку і музычным гуртом «Кент». Гурт Tikkle Me сфармаваўся летам 2006 году і пачаў з экспэрымэнтаў па кампутарным праграмаваньні гуку, зь якога нарадзіліся танцавальныя рытмы, запамінальныя сынтэтычныя матывы, гульлівыя мэлёдыі, якія ў той жа час супаваджаюцца сур’ёзнымі і глыбокімі тэкстамі. Ад пачатку свайго існаваньня гурт атрымаў шмат увагі на радыё і ў газэтах. Tikkle Me мае вопыт удзелу ў канцэртах у стылі 30-х гадоў.
Сюзана Муніцыё - Furios Fiesta - ўваходзіць у склад калектыву дыджэяў Furios Fiesta, які па-вар’яцку выконвае танцавальную музыку – рэгі, ска, сальса, кумбія, лацінскае бунгала і іншую. Вялікую частку музыкі складаюць даўно забытыя песні 60-х і 70-х гадоў, якія гурт узнўляе зь небыцьця. Furios Fiesta грае на музычных фэстах, дабрачынных канцэртах, у вялікіх клюбах і на эксклюзіўных вечарынках.
Сюзана таксама зьяўляецца кіраўніком гуртоў «Чорная зорка» і Skalicious. Чорная зорка – гурт з 13 чалавек зь вялікай духавой сэкцыяй і ўласным клюбам. Skalicious грае ска ў хуткім тэмпе. Тэксты іх песень – на швэдзкай і гішпанскай мовах. Сюзана грае на трубе, сьпявае і піша песьні для абодвух гуртоў.
Так што не прапусціце фэмінісцкую вечарыну! Нарэшце, Girlz Power у Менску!
Канцэрт адбудзецца 7 чэрвеня ў 19:00 у клюбе NightStar (вул. Сьвярдлова, 2), тэлефоны для даведак: (029) 655-55-96, (033) 655-55-96.
| таксама тут: |
Рэпартаж з "Графіці" (29.01.2005 - вечарына "Творчага Дома").
Live-відэа "Танга на краі" ў Графіці avi 5.306 Kb (дзякуй, Павал Антыпаў!).
*Не раім праглядаць дзецям да 16 гадоў - ёсьць спрэчныя моманты :)
Менск 2005-2006 © rusia.fromby.net. e-m.